Пасля
вайны, у 1947 г., у Жамыслаўлі была адкрыта хата-чытальня, у якой
налічвалася да 300 экзэмпляраў кніг. Бібліятэкарам у той час была
Максіменка Марыя. У 1950 г. бібліятэку прыняла Іваноўская Ірына
Станіславаўна, якая працавала да 1955 г. Кніжны фонд за гэты час
павялічыўся да 600 экзэмпляраў. Бібліятэка абслугоўвала ўсе вескі
калгаса “Жамыслаўль”.
Праз нейкі час ў Жамыслаўлі адкрылі клуб, пры якім
стварылі прыклубную бібліятэку. У 60-х гг. часта змяняліся працаўнікі
клуба-бібліятэкі. Так, за гэты час тут працавалі Юхневіч Генэфа, Кропа Яўгенія, Сянькоўская Яніна, Ілюковіч Станіслава.
У 1970 г. клуб-бібліятэку прыняў Шастаковіч Міхаіл
Рыгоравіч, а з 1972 г. клуб і бібліятэка пачалі існаваць самастойна. На
пасадзе загадчыка клуба застаўся Шастаковіч М.Р.,
бібліятэку прыняла
Юхневіч (Яцкевіч) Ядвіга Іванаўна, якая займае пасаду загадчыка
бібліятэкі і цяпер.
На пачатку 70-х гадоў у бібліятэцы налічвалася каля 5000
экзэмпляраў кніг, цяпер - больш 15000. Бібліятэка спачатку свайго
існавання размяшчаецца ў палацы графа Умястоўскага.
Сайт оптимизирован 800*600
®
Ссылка при перепечатке обязательна
